Et geet drëms, op hiere Wonsch hin, während ca. 3 Wochen op engem Camp-Chantier, mat 50 zumeescht Jonken aus Lëtzebuerg a Brasilien, e Foyer fir eeler Leit ze bauen a beim Relancement vum Jugendssektor UJP ze hëllefen.

Weider Ziler vum Projet:

• Ausernanersetzung mat Ongerechtegkeet, Sklaverei, Aarmut, awer och d'Schéinheet vu Brasilien entdecken

• Kenneléiere vun engem grousse Mouvement, dee vum lëtzebuerger Pater Jean Geisen (SCJ) matgegrënnt gouf 

• Zesumme Léisunge sichen, fir déi villfälteg Problemer nohalteg ze léisen

• Kenneléiere vu verschiddenen Akteuren aus der Entwécklungshëllef

• Kontakt mat brasilianesche Guiden a Scouten

Eis brasilianesch Partner MCP: Den MCP (Movimento das Communidades Populares) an hir Jugendorganisatioun UJP (União da Juventude Popular) versichen, déi villfälteg Problemer nohalteg ze léisen. Si sinn eng autonom Bewegung, wou vill Wäert op Gemeinschaft, Deelen, Bewosstsinnsaarbecht, Participatioun a basisdemokratesch Entscheedunge geluecht gëtt.

Wéi kënnt dir dës Aktioun ënnerstëtzen?

• de Bau vum Foyer fir eeler Leit: duerch en Don op de Kont LU74 1111 1261 0097 0000 vun der Fondation Partage Luxembourg mam Vermierk “Mutirao 2026”;

• d‘Rees an de Camp vun de Jonken: mat engem Don op de Kont LU21 0022 0000 0134 5989 vum Verband Lëtzebuerger Guiden a Scouten ASBL mam Vermierk "Don Brasilien 2026".